સકારાત્મક વિચારસરણી અને ગ્રાહક જાગૃતિનો સશક્ત અવાજ

ગાંધીનગર, 26 જૂન.
રાષ્ટ્રીય કાર્યક્રમો, સમાજસેવા, ધર્મકાર્ય અને જનકલ્યાણ જેવા દરેક ક્ષેત્રમાં સેવા માટે સમય આપવો જરૂરી છે. વિવિધ સામાજિક પ્રવૃત્તિઓ સાથે પોતાના વ્યક્તિગત જીવન અને જવાબદારીઓનું પણ અસરકારક સંચાલન કરવું દરેકના માટે સરળ નથી હોતું. આવી વિશિષ્ટ વ્યક્તિઓમાં કન્ઝ્યુમર કન્ફેડરેશન ઑફ ઇન્ડિયાની રાષ્ટ્રીય અધ્યક્ષા તથા ધર્મ અને સમાજસેવાના ક્ષેત્રમાં લાંબા સમયથી કાર્યરત શ્રીમતી પ્રીતિ પંડ્યાનું નામ અગત્યનું છે.
ગુજરાતના હિંમતનગર નિવાસી પ્રીતિ પંડ્યા સામાજિક સેવા, ગ્રાહક જાગૃતિ અને મહિલા સશક્તિકરણના ક્ષેત્રમાં સક્રિય રીતે કાર્યરત છે. સકારાત્મક વિચારસરણી અને સંવેદનશીલ વ્યક્તિત્વ ધરાવતી પ્રીતિ પંડ્યાએ વાણિજ્યમાં એમ.કોમ., એલએલબી તેમજ ક્રિમિનોલોજીમાં એલએલએમની ડિગ્રી પ્રાપ્ત કરી છે. એલએલએમમાં તેમણે સુવર્ણપદક પણ મેળવ્યું છે. હાલમાં તેઓ ગ્રાહક સંરક્ષણ વિષય પર પીએચડી કરી રહ્યા છે.
પ્રીતિ પંડ્યા લાંબા સમયથી ગ્રાહક અધિકારોના સંરક્ષણ અને ગ્રાહક જાગૃતિ માટે કાર્ય કરી રહ્યા છે. તેઓ “જાગો ગ્રાહક જાગો” અભિયાનના મુખ્ય સૂત્રધારોમાંના એક છે. ગ્રાહક વિવાદ નિવારણ મંચમાં લગભગ એક દાયકાથી સભ્ય તરીકે સેવા આપી ચૂક્યા છે અને હાલમાં પણ સંપૂર્ણ જવાબદારી સાથે પોતાના દાયિત્વોનું નિર્વહ કરી રહ્યા છે.
તે ઉપરાંત તેઓ કન્ઝ્યુમર કન્ફેડરેશન ઑફ ઇન્ડિયાના કાર્યકારી અધ્યક્ષ તથા મુખ્ય કાર્યકારી અધિકારી (CEO) તરીકે પણ સેવા આપી રહ્યા છે. તેઓ અનેક સામાજિક, શૈક્ષણિક, સાંસ્કૃતિક અને મહિલા ઉત્થાન સાથે સંકળાયેલી સંસ્થાઓ સાથે પણ જોડાયેલા છે. ગ્રાહક જાગૃતિ આધારિત અનેક દસ્તાવેજી ફિલ્મોની પટકથા લેખન અને નિર્માણમાં તેમનું મહત્વપૂર્ણ યોગદાન રહ્યું છે. સાહિત્ય, સંગીત અને કલામાં તેમની વિશેષ રૂચિ છે તથા તેઓ કવિતાલેખન પણ કરે છે.
પ્રીતિ પંડ્યાએ રંગભૂમિ અને અભિનયના ક્ષેત્રમાં પણ નોંધપાત્ર સિદ્ધિઓ પ્રાપ્ત કરી છે. તેમણે આંતર-મહાવિદ્યાલય, આંતર-વિશ્વવિદ્યાલય, ઝોનલ તેમજ રાષ્ટ્રીય સ્તરની નાટ્ય સ્પર્ધાઓમાં ભાગ લઈને અનેક પુરસ્કારો મેળવ્યા છે. ઉપરાંત અનેક ટેલિવિઝન ડોક્યુમેન્ટરી ફિલ્મોમાં પણ અભિનય કર્યો છે.
‘સ્માઇલ પ્લીઝ’ ગ્રુપ સાથે જોડાઈ તેઓ પોતાની સહજ હાસ્યશૈલી અને સકારાત્મક ઊર્જાના કારણે લોકોમાં વિશેષ ઓળખ ઉભી કરી છે. સામાજિક સરોકારો, જનજાગૃતિ અને રચનાત્મક પ્રવૃત્તિઓમાં તેમની સક્રિય ભાગીદારી તેમને સમાજની વિશિષ્ટ મહિલા વ્યક્તિત્વોમાં સ્થાન અપાવે છે. પોતાની નિયમિત સામાજિક પ્રવૃત્તિઓ અને જનજાગૃતિના કાર્યો સાથે તેમને ધર્મકાર્યમાં પણ વિશેષ રસ છે અને તેઓ ધર્મક્ષેત્રના ખ્યાતનામ મહાનુભાવો સાથે જોડાઈ સતત સેવાકાર્ય કરી રહ્યા છે.